კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 20 ნოემბერი 2026 00:10

 

დღეს აღესრულა შოთა რუსთველი...

კვალად ზვიადი,

კვალად უცვლელი,

ათი დღე-ღამე უჭმელ-უსმელი;

სენაკის თვისის ჭერს შესცქეროდა;

სწამდა, სჯეროდა...

სწამდა, სჯეროდა...

ვისთან დავობდა...

ვისთან მსჯელობდა...

ათი დღე-ღამე ცას შესცქეროდა;

სწამდა, სჯეროდა...

სწამდა, სჯეროდა...


ღრმად დათოვლილი ლომის ფაფარი

თეთრ საბურველად პირზედ ებურა;

უხმოდ დასტოვა ესე მთა-ბარი,

შებინდების ჟამს მოკვდა მეფურად.


სარეცლის თავთან,

სიკვდილის წინ

ვუდექით დიდხანს:

- უკანასკნელი აღსარება

შენს მოძმეთ გვითხარ,

იქნებ აღმოთქმა

გულს გეამოს,

სულს არ ეწყინოს -

მშობელ მხარიდან

ამ შორეთში გადმოხვეწილო!


არა ინდომა

ოდნავ სველი 

მილულა თვალი.

ღაწვზე ეფინა

ჩამავალ მზის

ნათელი მკრთალი.


შემოვუტანეთ ზეთისხილის

ტოტები ლურჯი:

- ჰა, შენი ქართლი,

შენი სამცხე

და არტანუჯი -

წამლად დაგედოს, ვითარ შენი

მიწა და წყალი...

არა ინდომა,

ოდნავ სველი

მილულა თვალი.


გადავუფურცლეთ დამასკელი,

მისგან რჩეული:

- იქნებ, განგიქრეს

სევდა ძველი

გულს დაჩნეული,

უსმინე შენებრ,

კვლავ აღგანთებს

მის ცეცხლის ალი...

არა ინდომა,

ოდნავ სველი

მილულა თვალი.


მზის დაწურვამდე 

ვუგალობეთ ჰანგი მრავალი

და როს მოიღო

ჯვარისმამამ

ჯვარი მთავარი:

- "ღმერთმან შეგინდოს,

აღასრულე შენ შენი ვალი..."

ოხვრა აღმოხდა,

საუკუნოდ

დახუჭა თვალი.


დღეს გარდიცვალა შოთა რუსთველი...

კვალად ზვიადი,

კვალად უცვლელი,

ათი დღე-ღამე 

უჭმელ-უსმელი;

სენაკის თვისის ჭერს შესცქეროდა;

ვისთან დავობდა,

ვისთან მსჯელობდა?

სწამდა... სჯეროდა...

სწამდა... სჯეროდა...

 

პოეზიის გვერდი   • • •  პოეზია - ირაკლი აბაშიძე  • • •   ირაკლი აბაშიძის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen