კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 21:49

 

ამ ხმაზე მხოლოდ გიტარა მღერის,

როდესაც სიმებს ეხება ქარი

და ამ მუსიკას, ვით უფლის წერილს

წვიმას ვატან და შენთანა ვგზავნი.


შენთანა ვგზავნი გულსა და ბარათს,

ბარათს - ლოცვასთან ბოლო შეხებას,

წვიმს და წვეთებში ფერების გამა

შენთვის მოქსოვეს თეთრმა ვერხვებმა.


წვიმს და გიტარას ქარი ათრთოლებს

თუ შენი ლანდი შეეხო სიმებს?!

წვიმს... უშენობას და სიმარტოვეს

ავსებს სანთლების ფერმკრთალი ჩრდილი.


წვიმს და ახლოა ქართა ორგია,

სხეულებს შიშვლად დაჰყრის მყინვარზე,

ძვირფასო, ჩემი სული მორგია,

მზე გარდაცვლილი უწევს სილაზე.


წვიმს და ვყმუივარ, როგორც აფთარი,

რადგან შორსაა კიდევ თენება,

სხეული ჩემი არის საფლავი

და მზე მზადაა ჩასასვენებლად.


პოეზიის გვერდი   • • •   პოეზია - ტარიელ ხარხელაური  • • •   ტარიელ ხარხელაურის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen