კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 17:58

 

იფანზე სურო აკრული,

ტყისპირს ეშალა ია და

შაშვი მეგონა, ბუდიდან

სიმღერა გადმოფრთხიალდა.


გადმოფრთხიალდა სიმღერა,

მაღლა წავიდა, გამჩენთან,

ცრემლი, გულიდან დაძრული,

სადღაც ყელს ზემოთ გაჩერდა.


შავო, შავჩოხა მორბედო,

ერთგულო ამ ცის, ამ მიწის,

ეს რანაირად მატირე,

როგორ უცეცხლოდ დავიწვი.


სად იბადება ეგ ხმები,

ღვთიური ცეცხლით მკვესავი,

სხვას არას ვნატრობ, გამჩენმა

ერთხელ მამღეროს შენსავით.


მამღეროს ერთხელ შენსავით,

სუნთქვა შევუკრა ამ ვარდებს,

ქსნის პირას ჩემი სიმღერა

ცაში, ვარსკვლავთან ავარდეს.


იფანზე სურო კრთებოდა,

ტყისპირს ეშალა ია და

შაშვი მეგონა, ბუდიდან

სიმღერა გადმოფრთხიალდა.

 

პოეზიის გვერდი   • • •  პოეზია - მანანა ჩიტიშვილი  • • •   მანანა ჩიტიშვილის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen