|
ბატონო! თქვენი წყალობა სულ სხვა ყოფილა განაო? პილატემ თავი იმართლა და ხელიც დაიბანაო!..
რაც გინდა, ის ვსთქვა განაო?.. აჰ, არა! "ფონს ვერ გამიყვანს" უფლება მაგისთანაო!..
მაგრამ პირობით განაო: რომ ჩემი ხელით გავლესო ჩემივ დამკვლელი დანაო?
გიჟი გგონივარ განაო, რომ ვერ გამოვსცნო ეგ თქვენი კრიმანჭულ-გამოცანაო?
შენ ენა მოგიტანაო, პატიოსნებით შემკულად ის მიგაჩნია განაო?
ეგ შენი "ანა-ბანაო", სასწორ-საზომის სიმრუდე სამართალია განაო?...
"ძალა აღმართს ჰხნავს" - განაო? ვინც წაღმა სიტყვა შეგკადრა, უკუღმა გაექანაო!...
არაფრად აგდებ განაო? ხმელეთი საბურთაოდ გაქვს და ზღვაა შენი სანავო!...
ვის შერჩენია განაო!.. მძლავრებსაც წაუჩოქნიათ სუსტის წინ ხანდისხანაო!... |
| პოეზიის გვერდი • • • |


