კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ხუთშაბათი, 19 ნოემბერი 2026 23:12

 

 

ჩემო სულის დგმავ! ტკბილო გულის-თქმავ!

ყველგან ყოველთვის მნათობო სულის!

შენ ერთად-ერთო შემკვრელ-გამხსნელო

ჩემის ტანჯვისა და სიხარულის.


ცით მოვლენილო, ქვეყნად შობილო,

ცისა და ქვეყნის შუა კავშირო!

ჩამგონებელო, ზე-ამღგზნებელო,

ქნარ-საზევსურო, უკიდ-უძირო!


ვითვალისწინებ ოდეს გოლგოთას: 

მაზედ ამართულს ჯვარს ცხოველ-მყოფელს

და ზედაც განრთხმულს მსხვერპლს უგნურების

ღმერთ-კაცს, სიკვდილით სიკვდილის მთრგუნველს.


შენც იქვე ახლოს, მორწმუნეთ რიცხვში

გხედავ სიწმინდით მოსხივ-ცისკარეს!

ქრისტეს სამსჭვალით თვით გამსჭვალულო,

მსხვერპლად ცოდვილთა, ცრემლებს ღვრე მწარეს.


ყოველი წვეთი შენი ცრემლების

ციურ მანანად გულს მეწვეთება,

და სასოებით სარწმუნოება

მეც მიდიდდება... მიორკეცდება.


მენელსაცხებლე დედათა შორის

შენვე გიყურებ მახარობელად,

და „ქრისტე აღსდგა“ შენი პირველი

გრგვინვით გაისმის მთადა და ველად.


მეც „ჭეშმარიტად“ ვამბობ და რწმენა

მკვდრეთით აღდგომა ჭეშმარიტების!

წყარო ცხოვრების და სიმართლისა

თუმცა იმღვრევის, მაგრამ არ შტების!..


მრწამს! და შენც მწამხარ წინამორბედად

იმ აღდგომისაც, რომ ველი მეცა!..

როდესაც ქვეყნად ტანჯულ სიმართლეს

მკვდრეთით აღადგენს კურთხევით ზეცა.


ყველგან, ყოველთვის, ჭირში და ლხინში

რადგან შენა ხარ ჩემი გულის-თქმა,

წმინდა ამბორმა შეგვისისხლხორცოს,

ახალი რჯული და ძველი აღთქმა!

 

პოეზიის გვერდი   • • •     • • •   აკაკი წერეთლის პოეზია/პროზა

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen