კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 23:54

 

ლადო ასათიანს

 

კორტოხზე პურის ძნა,

ჭალის ყანაში მარტო

ჩემი უფროსი ძმა,

ჩემი ლადო.


სიმინდი იდგა ტყედ -

სვრელი გაჰქონდა ფართო,

ყანას თოხნიდა მხნედ

ჩემი ლადო.


სამხარი ჩავუტანე ჩრდილში,

ღვინო დაგვიწყნია რადო?

ლექსი წავუკითხე შიშით

ლადოს.


მითხრა:" ბევრი წერსო დღეს!

უნდა ოც წელიწადს რანდო.

სახლში წაიძღვანო თხებს!" -

ლადომ.


ცრემლი მომებჯინა ყელში:

- ვითომ რატომ?!

შენ ვის დაუწუნე ლექსი,

ბიჭო, ლადო!


ბექიდან ბელტები ხვდება,

კენჭს ეძებს:

"შეშლილხარ მთლადო!"

იცინის, სიცილით კვდება

ჩემი ლადო.


...სოფლისკენ მივდენი თხებს

და პირველ ლექსებზე ვდარდობ;

ჭალიდან თავის სიგრძე ხელს

მიქნევს ლადო....


კორტოხზე პურის ძნა,

ჭალის ყანაში მარტო

ჩემი უფროსი ძმა,

ჩემი ლადო.


სიმინდი აუშლია ტყედ,

წინ სვრელი მიუძღვის ფართო,

სველ მიწას შემოიყრის ზედ

შიშველ ფეხებზე ლადო.


ვაი, შე დიდფეხა, შენ!

ვაი შე დიდგულა ლადო!

რა მიწა გაგაგრილებს შენ,

მაგ შენი ფეხების პატრონს!


ოი, შე ქილიკა, შენ!

ოი, შე ლექსების ჯადო!

ცოტა გავიზარდო ჯერ,

ბიჭო, ლადო!


ბარდნალას მივდენი თხებს

და ლადოს სიმაღლეს ვნატრობ...

ჭალიდან თავის სიგრძე ხელს

მიქნევს და მიცინის ლადო.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen