კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 16:14

 

 

 

დაიძინა ღრუბელმა, 

ქარმა ნანა უმღერა.

დაიძინა კურდღელმა, 

ნანინა ტყემ უმღერა.


დაიძინა ღამემ, 

ნანას უმღერს მთვარე.

დაიძინა მტრედმა, 

ნანას უმღერს დედა.


დაიძინა ვარსკვლავმა, 

დაიძინა წყარომ, 

ნანას უმღერს ბალახი, 

როგორ მიყვარხარო.


დაიძინა ყვავილმა, 

დაიძინა ჩიტმა.

დაიძინეს ბავშვებმაც, 

ცელქმაც, ცეტმაც, მშვიდმაც...


დაიძინებს ლეკვიც, 

ალბათ კნუტსაც სძინავს,

მხოლოდ ზღარბი დადის 

ბალახებში ფრთხილად.


დაიძინა სახლმა,  

დაიძინა ქუჩამ.

დაიძინეს ხეებმა, 

ქარ-წვიმებმა, ურჩმა.


დაიძინეს ბალიშებმა, 

უსიზმრობა არ იქნება.

თვლემს ცხადიც და ძილიც, 

ფხიზელიც და ფრთხილიც.


ძინავს ჩაიდანსაც,

ძინავს ქურთუკს, ჯინსებს,

სახვალიოდ ყველა 

გაფხიზლდება ისევ.


კანფეტებსაც ძინავთ, 

ნამცხვარსა და კევებს -

ყველას ძინავს ყველას: 

პრინცს, ფერიას, დევებს...


დაიძინებს შიშიც, 

შიშმაც იცის ძილი

დააძინებს თავის 

კოშმარების ცილინდრს.


სათამაშოც თვლემს, 

დაიღალა დღეს.

ბოლოს, როგორც იქნა,  

დაიძინა წიგნმაც.


მხოლოდ დედა-მიწა 

ღამეს ათევს, ბრუნავს.

ღამის ფუნჯით ხატავს 

დილის ნათელ სურათს.

მაღლა ცასთან ჰკიდებს,

არ ჭირდება კიბე.


პოეზიის გვერდი   • • •   პოეზია - მარიამ წიკლაური  • • •   მარიამ წიკლაურის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen