კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
ოთხშაბათი, 18 ნოემბერი 2026 19:06

 

 

 

და ცის უფსკრულში აილეწა კაფე ლანდური:

ახალ პოეტებს გაუმართავთ ლურჯი კაბარე.

იწვის არღანი, იკლაკნება იქ ფისმანდური,

და ჩემი ცქერა მოჩვენებას კვლავ შევაფარე.


ანგელოზები სამართებლით პარსავენ ლოთებს

მსახურებს დააქვთ ოპიუმი მაღალ ვაზებით:

ისევ მედუზა ყავისფერი მათ ააშფოთებს,

ვინც ლექსებს ამბობს ტირილით და რუხ გაბრაზებით.


ლალის სიგიჟე, ყირამალა და ხარაკირი,

ჯამბაზობს კაფე და ჰაერში გადაბრუნდება...

ისევ დაისი ატორტმანდა, როგორც საკირე,

და ჩემი ცქერა ჩვენებასთან ბრძოლას უნდება.


რაშს შემოაგდებს მთვრალ კაფეში ლაღი მგოსანი

და ეს იქნება თვით პაოლო, თვით სხივოსანი;

ნისლიან ხალხში ის სონეტით გადავარდება

და მისი ტანი დამსხვრეული ტალღებს ბარდება.


ისევ მსახურებს ოპიუმი დააქვთ ვაზებით:

ლალის სიგიჟე, ყირამალა და ხარაკირი -

ვინც ლექსებს ამბობს ტირილით და რუხ გაბრაზებით,

მას მოიტაცებს მოდაისე უცხო ფაკირი.


და კიდევ ერთხელ გაფითრდება კაფე ლანდური:

სავსეა ჭაღი თავისმკვლელთა ავი ძორებით.

ისევ მეძახის გრიგალიდან მე ფისმანდური

და თეთრ სურდოთი მემუქრება განმეორებით.


პოეზიის გვერდი • • •   პოეზია - ვალერიან გაფრინდაშვილი  • • • ვალერიან გაფრინდაშვილის პოეზია

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen