კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 20 ნოემბერი 2026 01:21

 

 

მშვენიერო! მხოლოთ შენით

ვსულდგმულობ და მიცემს გული,

შენ ხატი ხარ, მე - სახატე,

გვაკავშირებს სიყვარული.

წმინდა არის ეგ კავშირი,

როგორც კრთოლვა გარიჟრაჟის,

ვით უღრუბლო ცისა კიდე,

მზის სხივებით მოღაჟღაჟის.

წმინდაა ის, როგორც ტალღა

მონარნარე ნაკადულის,

სიცოცხლე და სასოება

ჩემი სულის, ჩემი გულის

მტკიცეა ის, განუწყვეტი,

როგორც ჯაჭვი უკვდავების

და უეჭვო გზა და ხიდი

სიამის და სიტკბოების.

დავიჩოქებ, ხელთ აღვაპყრობ,

კრძალვით პირჯვარს გადვისახავ,

გულს სიწმინდე აღმიფრთოვნებს

მყის, რა წამს შენ დაგინახავ...

შენ მოდიხარ, ჩემს წინ დგები

მომღიმარი, ეშხიანი,

ღალნი ბროლთა გაუპიათ

ალმასთ შვენისთ ყორნის ფრთანი.

გედივით ყელ მონაღერი

ამაყი ხარ ვით არწივი,

შენს სახეს ზედ დასთამაშებს

სილაღის და შვების სხივი.

ოჰ, რა არის ეგ შეხვედრა!..

უდიდესი ნეტარება!..

შორს, შორს მიჰქრის კაეშანი,

გულს სევდა არ ეკარება.

ვით კამკამა ცისკამარას

გადეკვრება რიდე ბნელი

მყის ბუნება იღვრიმება,

დგება დარი საზარელი.

ხმას ჩაიწყვეტს მაყრიონის

მომღერალი ფრთოსანთ გუნდი,

ყველგან მეფობს კაეშანი...

გლოვის ძაძა.. სევდის ხუნდი...

ცის კამარას ედარება,

მშვენიერო, შენი სახე!

მასაც რიდე გადეკვრება,

თუ დაგიგო მტერმა მახე.

ჩვეულებრივ ლოცვას ვიწყებ:

კრძალვით პირჯვარს გადვისახავ,

გული ტოკავს მოუთმენლად,

ვფიქრობ, - მალე დაგინახავ.

მაგრამ, ვაჰმე!.. ჩემს წინ ვხედავ

ცხოვრების ცას გადათალხულს,

ვკრთები, ხელი მიშეშდება

ერთხელ პირჯვარ გადასახულს.

გხედავ არ ხარ ჩვეულებრივ

მომღიმარი, ეშხიანი,

სახეს ჩრდილი გადაგკვრია

გულს გიმძიმებს კაეშანი...

ვიცი, მეხი ულმობელი,

ცის ღრუბელთა უღვთოთ მჩეხი

ღამის წყდიადს ცეცხლით ჰმუსრავს

პირ მწველი და პირუკმეხი.

გადააფხრეწს ცას პირბადეს,

ხმალს გაავლებს ყველგან მკვეთრად,

ფრთებს აუწყობს ველად ნიავს

გარიჟრაჟის შესახვედრად...

მაშ, მეც მეხსა დავედრები:

ავენთები, როგორც ელვა,

რომ ჩავისრო გარს ბურუსი

და წყვდიადის მკაცრი ღელვა.

ცხოვრების ცას, ძაძით მოსილს,

ჩამოვხადო ბნელი რიდე,

გარიჟრაჟის შესახვედრად

ზე ავშალო კიდით-კიდე.

ვინძლო მაშინ შენც შემომხვდე

მოღიმარი, ეშხიანი

ალამს გაშლის ნეტარება...

ფრთებს დასწურავს კაეშანი.

შეიძლება დაგაინტერესოთ

ოჩოპინტრე

გაგაგა



ფდფდფ

ოჩოპინდრე

₾
შეიძინეთ პაკეტი

მიიღეთ შეუზღუდავი წვდომა

ერთი კვირა
3 ლარი
ორი კვირა
5 ლარი
ერთ თვე
7 ლარი

დაამატეთ Aura.Ge

დააჭირეთ:   Share
აირჩიეთ:   Add to Home Screen